Nye frukt- og bærkulturar

Forbruket av frisk frukt og bær aukar, og med det sterke fokus som no er på mat og helse kan vi forvente at konsumet vil halde fram å auke i åra framover. Skal norske produsentar få del i den verdiskapinga som dette auka konsumet  fører til, må det til ei målretta satsing frå både næring og forsking. Ei satsing på nye vekstar og produktutvikling vil kunne gjera frukt- og bærproduksjonen  i Noreg meir robust og auke konkurransekrafta.

I eit forprosjekt i 2005 vart det gjort ei vurdering av potensialet av nokre nye frukt- og bærkulturar med potensial for Sogn og Fjordane. Dette arbeidet er vidareført i eit langsiktig basisprosjekt med ei kontinuerleg vurdering av potensielle nye kulturar og ei første utprøving av sortsmateriale i kulturane. Ut frå dette basisprosjektet er det tenkt generert separarte prosjekt for konkrete satsingar på ein eller fleire kulturar. Det vert arbeidd parallelt med kulturar som raskt kan kome i dyrking og kulturar som kan ha potensial på lenger sikt. Satsinga inngår som eit delprogram i "Program for auka verdiskaping i frukt- og grøntnæringa i Sogn og Fjordane".

Dette er eit langsiktig basisprosjekt med desse elementa:

- Kontinuerleg søk etter potensielle nye kulturar.

- Formidling av innsamla informasjon og resultat.

- Etablering av eit nettverk i fylket.

- Inntak av materiale og prøving.