RUP Norge er eit webbasert databaseverkty for regional utvikling. RUP Norge er tilpassa alle typar regionale utviklingsprosessar, og kan nyttast av både lokale, nasjonale og internasjonale aktørar. Målet har vore å utvikla eit verkty som sikrar alle regionar ei meir effektiv og målretta utvikling. RUP Norge har spesialfunksjonar for internasjonale prosessar.
Bakgrunnen for utviklinga av RUP Norge er fylkeskommunen si rolle som regional utviklingsaktør, og trongen for ei samla oversikt over regionale utviklingsprosessar. Målgruppa er offentlege konsulentar med ansvar for regional utvikling, og andre aktørar engasjerte i regionale utviklingsprosessar.
Sogn og Fjordane fylkeskommune, ved regionalavdelinga, har leia utviklinga av RUP Norge, og står i dag som eigar av verktyet. Oppdraget starta i 1999, med å utvikla ein portal for det offentlege, retta mot etablerarar og nyskaparar, som ei meldingsteneste (Etablerix).
Utviklinga heldt fram i SIV-prosjektet (2001 til 2004), som var eit samarbeidsprosjekt om internasjonalisering på Vestlandet, mellom Hordaland og Sogn og Fjordane. RUP Norge er resultat av delprosjekt 2a: ” Nettverk, informasjon og verkty – Felles prosjektdatabase som verkty for samarbeid og kommunikasjon mellom offentlege konsulentar". SIV-prosjektet har finansiert den siste utviklinga av RUP Norge.
I 2005 har utviklinga fyrst og fremst vore retta inn mot avtalen med Vest-Norges Brusselkontor. Samarbeidet med Vest-Norges Brusselkontor har også vore til hjelp for utviklinga av verktyet