Leonardo er ei ordning retta mot bedrifter og studentar (lærlingar), med utveksling som målsetjing. Leonardo vart oppretta i 1995. Frå Hordaland har nærmare 700 personar fått stipend frå ordninga sidan han starta opp. I 2000 starta 2.del av Leonardo opp, og skal gå fram til 2006. Størst effekt for bedriftene har det å få utanlandske studentar til Norge. Gjennom studentane får dei kunnskap om andre land. Studentane fungerar som "døropnarar". Hordaland har lang og god røynsle i bruk av Leonardo. Eit samarbeid med Hordaland om bruk av Leonardo har derfor vore av stor interesse for Sogn og Fjordane.
Målet i delprosjektet har vore samarbeid om ordninga Leonardo da Vinci mellom Hordaland og Sogn og Fjordane, slik at tal utvekslingsstudentar til og frå Norge aukar i båe fylka.
Sjølv om prosjektet har hatt mange og gode planar om korleis eit samarbeid mellom fylka burde skje, vart det aldri tid til å få gjennomført dette i praksis i SIV-prosjektet. Ein vonar å få teke dette samarbeidet opp att ved eit seinare høve.