Tilskot 2009

1. Festivalar, arrangement og kulturformidling                       
2. Kompetansehevande tiltak
3. Marknadstiltak / produktutvikling / pakking
4. Infrastruktur / møteplassar / nettverk
5. Anna   

Kategorien ”anna” er ein open kategori for andre gode innspel. Programstyret meinar at utlysing av midlar stimulerar aktørane i fylket til kreative tiltak, noko som er viktig ved utvikling av opplevingsnæringane.
 
Programstyret vil ha følgjande generelle prioriteringar når det gjeld tildeling av økonomiske midlar: 
 

• Konkret og synleg verknad framfor utgreiingar og generelle prosjekt.
• Mest mogeleg oppleving pr. krone.
• Må ha konkret effekt for næringslivet og/eller stor verdi for lokalsamfunnet.
• Unngå saker og tiltak som naturleg høyrer heime hjå andre finansieringskjelder.
• Unngå store saker som programstyret ikkje har tilstrekkeleg økonomisk ramme til.

Prosjekta bør dekka område på minst kommunenivå.
Søknadsskjema til nedlasting på: http://www.sfj.no 
Søknadsfrist på midlar frå programmet vil bli 25. april 2009. Programstyret tek sikte på tildeling av midlar innan 10. juni.
 
Alle prosjekta som får midlar vil i neste omgang omtalast i RUP-Norge (www.rup.no)

 
Om samanhengen mellom program, prosjekt og tiltak

Program Opplevingsnæringar var i utgangspunktet eit 4 årig målretta program. Programstyret si viktigaste oppgåve er å etablera og koordinera prosjekt, som skal utvikle tiltak, som skal føra til måloppnåing i programmet, når dei beste tiltaka vert etablerte og drivne.
 
På same måten som fylket opprettar program, så kan også næringsgrupper, regionar, kommunar, etc.. opprette langsiktige og målretta program. Eit døme på eit slikt program, er program frukt- og grønt i Sogn og Fjordane. Dette er eit næringsprogram, oppretta av næringsaktørane og offentlege verkemiddelaktørar. Det finst også fleire gode døme.
 
Når etablerte program søkjer om midlar til prosjekt og tiltak, så vil styringsgruppa i program opplevingsnæringar vita at søknadane er ekstra godt forankra i reelle behov. Programstyret vil også vita at det er eit programstyre som kan fylgje opp prosjekt og tiltak framover, om det vert slutt på program opplevingsnæringar.
 
Alternativet til denne type programforankring er at prosjekta ikkje har anna forankring enn program opplevingsnæringar. Programstyret meinar at dette ofte ikkje er godt nok, og ynskjer at det vert oppretta fleire langsiktige satsingar på opplevingsnæringane her i fylket, på både fylkesnivå, regionnivå og på kommunenivå.
 
Det kan vera ein styrke om næringsaktørane sjølve tek initiativ til slike program. I det nye søknadsskjemaet er det derfor skilt i støtte til program, prosjekt og tiltak. Program krev prosjekt og tiltak, og prosjekt og tiltak krev program. Både program, prosjekt og tiltak er avhengige av kvarandre, og må sjåast i samanheng. Etablering av program er normalt det fyrste trinnet.