(HAR IKKJE VORE AKTIVT BRUKT)
Målsetjinga i aktørprogrammet er å auka verdiskapinga hjå reiselivsaktørane, gjennom utvikling av bedriftene, bedriftene sine aktivitetar og bedriftsretta fellestiltak.
Ansvarleg verkemiddelaktør er Innovasjon Norge, som skal etablera verkemiddelpolitikk som fremjar utvikling av reiselivsaktørane i fylket, anten einskildvis eller i grupper. Målet er auka verdiskaping i bedriftene.
Det er ein prioritert strategi å få bedrifter til å jobbe saman i grupper eller innovative nettverk, i langsiktige og målretta prosessar kalla aktørprogram. Innovasjon Norge har i dag liknande satsingar i Arenaprogrammet og NCE, i samarbeid med SIVA og Norges Forskingsråd.
Som forvaltar av dei bedriftsretta verkemidlane er det Innovasjon Norge sitt ansvar at aktørprogramma som får støtte nyttar programstyring som metode, og at dei leverar inn data for resultat og effektmålingar. Innovasjon Norge skal vidare ha ansvar for at det årleg vert laga ein samlerapport for alle aktørprogramma som får støtte i fylket.
Aktørprogrammet skal ha eit tett samarbeid med NCE - Tourism - Fjord Norway når det er naturleg.